Forvitnilegasti bókatitillinn
10 ráð... Hallgríms Helgasonar tilnefnd til verðlauna fyrir „Forvitnilegasta bókatitilinn“ á þýska bókamarkaðinum 2010.
Skáldsaga Hallgríms Helgasonar 10 ráð til að hætta að drepa fólk og byrja að vaska upp (Zehn Tipps, das Morden zu beenden und den Abwasch zu beginnen) hefur verið tilnefnd til verðlauna sem „Forvitnilegasti bókatitillinn“ á þýska bókamarkaðnum 2010.
Tuttugu bækur voru tilnefndar og nú getur almenningur kosið á heimasíðu bókamarkaðarins. Smelltu hér til að kjósa. Kosning hefur staðið yfir frá 18. ágúst og lýkur 20. september. Þegar þetta er skrifað er bók Hallgríms í öðru sæti.
Þær bækur sem verða í sex efstu sætunum að netkosningu lokinni fara fyrir dómnefnd sem velur vinningshafann. Verðlaunin verða afhent á bókasýningunni í Frankfurt í næsta mánuði.