Miðstöð íslenskra bókmennta hluti af evrópsku samtökunum ENLIT
Miðstöð íslenskra bókmennta hefur fengið inngöngu í samtökin ENLIT- European Network for Literary Translation
Samtökin eru skipuð 27 stofnunum um alla Evrópu sem eiga það sameiginlegt að styðja við og styrkja þýddar bókmenntir og stuðla að útbreiðslu þeirra.
Árið 2022 varð Miðstöð íslenskra bókmennta boðin þátttaka í samtökunum ENLIT - European Network for Literary Translation.
Samtökin samanstanda af óhagnaðardrifnum stofnunum og samtökum sem starfa innan Evrópu að því að styðja við og styrkja bókmennir og þýðingar þeirra og tryggja sýnileika þeirra.
Markmið samtakanna er að vera vettvangur þar sem meðlimir geta deilt upplýsingum sín á milli um áhrifaríkar leiðir til að tryggja útbreiðslu bókmennta. Einnig er unnið að sameiginlegum verkefnum sem styðja við þá aðila sem koma að sköpun, útgáfu, þýðingu og dreifingu bókmennta.
ENLIT hefur skipulagt viðburði á Frankfurt Book Fair, Guadalajara Book Fair, London Book Fair og Thessaloniki Book Fair. Samtökin funda formlega tvisvar á ári, annars vegar í Frankfurt í október og hins vegar á vorfundi, sem haldinn verður 2025 í Prag, Tékklandi.
Frekari upplýsingar um ENLIT - European Network for Literary Translation