Íslenskar bókmenntir á heimssýningunni í Japan
Heimssýningin í Osaka frá apríl til október 2025
Rán Flygenring höfundur og Shohei Akakura japanski þýðandi hennar taka þátt í bókmenntaviðburðum á heimssýningunni sem nú stendur yfir í Osaka í Japan.
Þjóðardagur Íslands á heimssýningunni í Osaka er haldinn 29, maí þar sem Halla Tómasdóttir, forseti Íslands, er heiðursgestur. Dagskráin er þétt skipuð, en yfirskrift dagsins er „Friður og jafnrétti“.
Höfundurinn Rán Flygenring átti samtal við þýðandann Shohei Akakura sem þýddi bók hennar um Vigdísi Finnbogadóttur sem nýlega kom út í Japan. Borgarstjórinn í Reykjavík, Heiða Björg Hilmisdóttir setur viðburðinn. Auk þess er á dagskrá íslensk tónlist og margt fleira.